“Гермес Центр” ХК-ийн 2020 оны хувьцаа эзэмшигчдийн ээлжит хурал 2021 оны 04-р сарын 09-ний өдрийн 15:00 цагт цахим хосолсон хэлбэрээр зохион байгуулагдана.
Иймд хувьцаа эзэмшигч та 2021 оны 04-р сарын 08-ны өдрийн 18 цаг хүртэл доорхи зааврын дагуу бүртгүүлж, ээлжит хуралдаа оролцоно уу.
Хувьцаа эзэмшигчдийн ээлжит хуралд цахимаар бүртгүүлэх холбоос: https://forms.gle/cU5Aur31QhgSMfRa6
-
1-р алхам - Бүртгүүлэх
Хувьцаа эзэмшигч та https://forms.gle/cU5Aur31QhgSMfRa6 хандаж, өөрийн регистрийн дугаар болон имэйл хаягаа илгээж бүртгүүлнэ үү.
- 2-р алхам - Баталгаажуулах
Таны илгээсэн регистрийн дугаараар тус компанийн хувьцаа эзэмшигч мөн эсэхийг хянаж баталгаажуулсны дараа, таны бүртгүүлсэн имэйл хаяг руу хурлын материал, нэвтрэх нэр, нууц үг, хуралд оролцох холбоосыг илгээнэ.
- 3-р алхам - Хуралд цахимаар оролцох
Хувьцаа эзэмшигч та илгээсэн холбоост хандаж нэвтрэх нэр, нууц үгээ оруулан хуралдаа оролцоно уу.
“Гермес центр” ХК-ийн хурал зохион байгуулах комисс
Холбоо барих утас: 9909-4991, 9908-8571
“Гермес центр” ХК-ийн Хувьцаа эзэмшигчдийн ээлжит хурал 2021 оны 04-р сарын 09-ний өдрийн 15:00 цагт тус компанийн оффисын байрны 3 давхарт байрлах хурлын танхимд хосолсон хэлбэрээр болох тул Эрхэм хүндэт хувьцаа эзэмшигчид та бүхнийг хуралдаа идэвхитэй оролцохыг урьж байна. Хувьцаа эзэмшигчдийн хуралд цахим хэлбэрээр оролцох хүсэлтэй бол хурал зохион байгуулах комиссын гишүүдтэй холбогдож зааварчилгаа авна уу.
Бүртгэлийн өдрийг 2021 оны 03-р сарын 11-ний өдрөөр тасалбар болгоно.
Хурлаар хэлэлцэх асуудал :
- Компанийн 2020 оны үйл ажиллагааны тайланд ТУЗ-өөс гаргасан дүгнэлт
- Компанийн 2020 оны аудитаар баталгаажсан санхүүгийн тайланд хийсэн компанийн ТУЗ-ийн дэргэдэх аудитын хорооны дүгнэлт
- Компанийн 2019 оны ногдол ашгийг хуваарилж тараасан тухай мэдээлэл, 2020 оны ногдол ашгийг хуваарилсан болон 2021 оны ногдол ашгийн тухай
- Компанийн нэгдмэл сонирхолтой этгээд болон тэдгээрийн эзэмшилд байгаа хувьцааны тухай
- Компанийн 2021 оны үйл ажиллагааны зорилтын тухай
- Компанийн дүрэмд өөрчлөлт оруулж батлах тухай
- Компанийн ТУЗ-ийн гишүүдийг улируулан сонгох тухай
- Компанийн ТУЗ-ийн болон Гүйцэтгэх захирлын цалин урамшуулал, зардлын төсвийн тухай
Эрхэм хувьцаа эзэмшигч та бүхэн хурлын материалтай өөрийн харьяалагдах брокер, диллерийн компани болон Улаанбаатар хот, Баянгол дүүргийн 25-р хороо, Нарны зам-20, “Гермес центр”ХК-ийн төв оффисын байрны 3 давхар № 302 тоот өрөөнд ажлын өдрүүдэд утсаар холбогдон 10:00-17:00 цагийн хооронд хүрэлцэн ирж танилцана уу.
Хурал зохион байгуулах:
Комиссын дарга : Д.Эрдэнэсүрэн, утас 9908-8571, имэйл хаяг: erdenee.0922@yahoo.com
Гишүүн : О.Энхтуяа, утас 9909-4991, имэйл хаяг: enkhee_7777@yahoo.com
Манай компанийн ТУЗ-ийн ээлжит хурал 2021 оны 02-р сарын 17-ны өдөр цахимаар хуралдаж, дараах асуудлуудыг хэлэлцэн баталлаа. Үүнд:
- Компанийн 2020 оны сүүлийн хагас жилийн аудитын байгууллагаар баталгаажсан санхүүгийн тайланг хэлэлцэн батлав.
- Компанийн сүүлийн хагас жилийн цэвэр ашгаас 99 %-ийг буюу 377.0 сая төгрөгийг хувьцаа эзэмшигчдэд ногдол ашгаар хуваарилахаар шийдвэрлэж тогтоолоор батлав.
- Компанийн нэгж хувьцаанд оногдох ногдол ашгийн хэмжээг 4 төгрөг 80 мөнгөөр тогтоож, ногдол ашиг авах эрхтэй хувьцаа эзэмшигчдийн нэрсийн жагсаалт гаргах бүртгэлийн өдрийг 03-р сарын 11-ний өдрөөр тасалбар болгож, 03-р сарын 15-ны өдрөөс эхлэн тараахаар шийдвэрлэв.
- Компанийн “Ногдол ашиг хуваарилах журам”-ыг шинэчилж тогтоолоор батлав.
- Компанийн 2020 оны хувьцаа эзэмшигчдийн ээлжит хурлыг 2021 оны 04-р сарын 09-ний өдрийн 15:00 цагт компанийн төв байрны 3-р давхарт байрлах хурлын танхимд хосолсон хэлбэрээр хуралдуулахаар шийдвэрлэв. Хурлын даргаар ТУЗ-ийн дарга Д.Оюунсүрэн, бэлтгэл ажлыг хангах, хурал зохион байгуулах комиссын даргаар Д.Эрдэнэсүрэн, гишүүнээр О.Энхтуяа нарыг томилов.
Манай компанийн ТУЗ-ийн ээлжит хурал 2020 оны 08-р сарын 24-ний өдөр болж өнгөрлөө. Энэхүү хурлаар дараах асуудлуудыг хэлэлцэн шийдвэрлэлээ. Үүнд:
1. Компанийн 2020 оны эхний хагас жилийн аудитын байгууллагаар баталгаажсан санхүүгийн тайланг хэлэлцэж батлав.
2. Компанийн эхний хагас жилийн цэвэр ашиг болох 530.2 сая төгрөгнөөс:
- 518.4 сая төгрөгийг хувьцаа эзэмшигчдэд ногдол ашигт олгох
- 11.8 сая төгрөгийг компанийн цалин урамшуулал нөөцийн санд хуваарилахаар шийдвэрлэв.
3. Компанийн нэгж хувьцаанд оногдох ногдол ашгийн хэмжээг 6 төгрөг 60 мөнгөөр тогтоов. Ногдол ашиг авах эрхтэй хувьцаа эзэмшигчдийн бүртгэлийн өдрийг 2020 оны 09-р сарын 09-ний өдрөөр тогтоож, 09-р сарын 15-ны өдрөөс эхлэн олгохоор шийдвэрлэв.
4. Компанийн оршин суух хаягийн өөрчлөлтийг компанийн дүрэм болон холбогдох бичиг баримтанд тусгаж, албажуулан бүртгүүлэх тухай асуудлыг хэлэлцэв.
Гермес барилгын материалын худалдааны төв нь түрээслэгч, үйлчлүүлэгчдийн ая тухтай үйлчлүүлэх нөхцлийг сайжруулах зорилгоор гадна, дотно тохижилт, засварын ажлуудыг тогтмол хийсээр байна.